Тоқаев Сербияға ресми сапармен келді (фото)

Белград әуежайында Қазақстан президенті Қасым-Жомарт Тоқаевты Сербия президенті Александр Вучич қарсы алды.

️Сербияның әуе кеңістігінде мемлекет басшысының ұшағын қабылдаушы елдің әскери-әуе күштерінің истребителдері қорғады.

️Визиттің негізгі пункті жоғары деңгейдегі келіссөздер болады. Президенттер екі мемлекеттің саяси, сауда-экономикалық, көлік-логистика және мәдени-гуманитарлық салалардағы өзара әрекеттесу перспективаларын талқылайды.

Келіссөздердің нәтижесінде бірқатар екіжақты келісімдерге қол қою жоспарланып отыр. Сонымен қатар, Сербияның премьер-министрі Милош Вучевичпен кездесу ұйымдастырылған.

Еске сала кетейік, ақпан айында мемлекет басшысы Қасым-Жомарт Тоқаев пен Сербия президенті Александр Вучич арасында телефон арқылы әңгіме өтті. Сол кезде Сербия президенті Тоқаевты Белградқа ресми сапармен келуге шақырды.

Биыл мамыр айында Қасым-Жомарт Тоқаев пен Александр Вучич телефон арқылы екіжақты ынтымақтастықты жандандыру, бұрын қол жеткізілген келісімдерді жүзеге асыру және Қазақстан президентінің жыл соңына дейін Белградқа сапарын ұйымдастыру мәселелерін талқылады.

Эксклюзивті контент және жаңалықтар тек сіз үшін! Telegram-ға жазылыңыз!