Сербиядан ұшып шыққан Тоқаев Венгрияға жетті (сурет)

Будапешт әуежайында Тоқаевты Венгрия премьер-министрі Виктор Орбан қарсы алды, деп хабарлайды Ақорда Telegram-арнасында.

Қасым-Жомарт Тоқаев президент Тамаш Шуйокпен және премьер-министр Виктор Орбанмен келіссөздер жүргізеді, оның барысында екі ел арасындағы саяси, сауда-экономикалық және мәдени-гуманитарлық салалардағы стратегиялық серіктестіктің одан әрі дамуын талқылайды.

Қазақстан президенті венгр бизнесінің капитандарымен де кездесуді жоспарлап отыр.

Еске сала кетейік, Венгрия премьер-министрі Виктор Орбан өткен жылдың қарашасында Астанаға келген болатын. Сол кезде екі лидердің тар форматта, одан кейін кеңейтілген форматта келіссөздері өтті. Венгрия премьер-министрі Қасым-Жомарт Тоқаевқа және Қазақстанның бауырлас халқына жылы қабылдауы үшін алғысын білдірді.

Сол кездесудің қорытындысы бойынша білім беру саласындағы өзара түсіністік туралы меморандумға қол қойылды. Сонымен қатар Тоқаев Орбанды "Достық" I дәрежелі орденімен марапаттады.

Эксклюзивті контент пен жаңалықтар тек сіздер үшін! Telegram-ға жазылыңыз!