«Қазақ тілін жақсы көремін» — британдық Neo Nomad кочевник визасын алды.

«Қазақстан – таңғажайып ел! Neo Nomad Visa бағдарламасының арқасында біз осы елде бір жылға дейін болу мүмкіндігіне ие болдық. Виза мені өз компаниямда қашықтан жұмыс істеуге мүмкіндік беріп, Қазақстанмен танысуға, табиғатқа, достық атмосфераға, асханасына, музыкасына, дәстүрлеріне және тіліне бойлауға жол ашады. Қызымның арқасында мен қазірдің өзінде қазақ тілінің әуезділігі мен байлығына рақаттанамын»,– деп бөлісті Сертач Йенер.

Қазіргі уақытта британдық маман АҚШ-та таза энергетика саласындағы жобалармен жұмыс істеп жатыр.

Neo Nomad Visa шетелдіктерге арналған,ол Қазақстанда бір жылға дейін өмір сүруге мүмкіндік береді. Мұндай визаны алу үшін негізгі талаптар – ай сайынғы тұрақты табыс 3 мың доллардан жоғары, соттылығы жоқтығы туралы анықтама, медициналық сақтандыру.

Бұл бастама цифрлық кочевниктер мен қашықтан жұмыс істегісі келетін мамандарды тартуға бағытталған, сонымен қатар Қазақстанның мәдениеті мен табиғатын зерттеуге мүмкіндік береді.

Минтуризмде егер 500 адам виза алса, экономикалық әсер жылына шамамен 3,6 млрд теңге болады деп күтілуде. Neo Nomad бағдарламасын пайдаланып, шетелдіктер РК-да тұрып, ақша жұмсайды, бірақ отандық еңбек нарығында жұмыс орындарын алмайды.