Америкалықтар Қазақстанда литий және сирек металдардың қорларын іздейтін болады.

«Америка геологиялық қызметімен (USGS) ынтымақтастық аясында 2025 жылы халықаралық геологиялық қызмет жетекшілерінің командасымен НГС-ті тексеру (аудит) жоспарланған (АҚШ, Франция, Германия, Финляндия). АҚШ Мемлекеттік департаментінің Энергетикалық ресурстар Бюросының ұсынысымен НК “Таукен-Самрук” арасында Арал теңізі аймағындағы литий ресурстарын зерттеу және Калба-Нарым жотасында сирек металдарды геохимиялық зерттеу жүргізу жөнінде үшжақты MOU келісімі жасалды. Қаржыландыру американдық тараптан жүзеге асырылады», деді Ерлан Галиев.

Британдық қызметпен (BGS) Қазақстанда бірнеше миссияны қамтитын жоба жүзеге асырылуда. Бұдан бөлек, BGS-пен бірлесіп британ үкіметінің гранты бойынша Эталондық базалық көрнекі құралдар жобасы жоспарлануда.

«НГС еуропалық мемлекеттік қызметтермен белсенді ынтымақтастықта. Мысалы, BRGM француз геологиялық қызметімен бірге 2025 жылы жерді қашықтықтан зондтау, геохимия, болжамдық карталау, кен өндіруден кейінгі қалдықтар және басқа да мәселелер бойынша екіжақты семинарлар өткізіледі. Ал GTK-пен (Финляндия, PDAC 2024-те MOU) ынтымақтастықта деректер базасы мен ГИС жүйелерін нығайту мен дамытуға ерекше назар аударылуда. Бұл бағытта финдер әлемдік сарапшылардың ең үздіктері ретінде танылған», деп қосты ол.

Мәжілістегі үкіметтік сағат барысында депутат Едил Жанбыршин Қазақстанның мұнай-газ секторындағы жағдайға алаңдаушылық білдірді. Ол елдің мұнайсыз қалу қаупі бар екенін айтты. Депутат президенттің өз жолдауында геологиялық зерттеулердің төмен деңгейін атап өткенін еске салды. Жанбыршиннің айтуынша, жүйелі зерттеулер соңғы 25 жылда жүргізілмеген. Бүгінде қорлардың өсуі совет заманында ашылған кен орындарын қайта бағалаумен қамтамасыз етіледі.