Облыс әкімі Нұрлыбек Налибаев жұмыс сапарымен Сырдария ауданында болып, С. Сейфуллин және А. Токмагамбетова атындағы ауылдардың табиғи газға қосылу рәсімінде қатысты.
Аймақ басшысы тұрғындарды осы күтілген оқиғамен құттықтап, жылы лебізін білдірді. Осы күннен бастап адамдарға отын, көмір сатып алу, пешті жағу және үйден күл шығару қажет болмайды.
«Біз ауылға нақты қолдау көрсетуіміз керек және заманауи инфрақұрылымды дамытуымыз қажет. Қазіргі уақытта облыстың газдандыру деңгейі 75 пайызды құрайды, – деді облыс әкімі. – Биыл 306 шақырым газ құбыры желілерін тарту жұмыстары жүргізілуде – осы мақсаттарға 30 миллиард теңгеден астам қаражат бөлінді. Нәтижесінде, болашақта облыс тұрғындарының 78 пайызы газды пайдаланатын болады. Келесі жылы көгілдір отынмен тағы оннан астам елді мекенді қосу жоспарланып отыр. Бұл тұрғындардың өмір сапасын арттыруға жәрдемдеседі».
Аймақ басшысының айтуынша, өткен жылы Сырдария ауданының бюджеті 12 миллиард теңге болса, биыл ол 16 миллиард 108 миллион теңгеге жетіп, 33 пайызға өсті. Бұл қаражат аудан тұрғындарының ең өзекті проблемаларын шешуге жұмсалатын болады.
Ауыл тұрғындарын айтулы оқиғамен еңбек ардагерлері Султанбек Тауипбаев және Абдигаппар Амиргалиев құттықтады. Өз туған өлкесінің дамуына үлес қосқан бірқатар мамандар мен ардагерлерге облыс әкімі тарапынан алғыс хаттар табыс етілді.
Табиғи газға қосылу рәсімінен кейін, аймақ басшысы тұрғындармен кездесіп, атқарылған жұмыстар мен алдағы жоспарлар туралы айтты. Ол жүзеге асырылып жатқан инфрақұрылымдық жобалар мен салалардағы жаңашылдықтарға тоқталды. Сонымен қатар, облыс әкімі азаматтардың пікірлері мен ұсыныстарын тыңдады.