Ақтауға жақын құлаған ұшақтың қара жәшігін талдау Бразилияда басталды.

Қара жәшіктерден алынған деректер Бразилияның Әуе күштерінің мамандары (Forca Aerea Brasileira — FAB) қатысуымен талданады.

«Алынған мәліметтер Қазақстанның авиациялық оқиғаларды зерттеу басқармасына беріледі — бұл агенттік оқиғаны талдау мен тергеуге жауапты», — деп нақтылады FAB.

25 желтоқсанда Әзербайжанның Azerbaijan Airlines (AZAL) авиакомпаниясына тиесілі Embraer ұшағы Бакудан Грозныйға бағыт алған кезде Ақтау маңында апатқа ұшырады. Ұшақта 67 адам болды, оның ішінде бес экипаж мүшесі бар. Олардың 42-і Әзербайжан, 16-сы Ресей, 6-сы Қазақстан, 3-і Қырғызстан азаматтары. Апат салдарынан 38 адам қаза тапты.