Алматы — Екатеринбург республикалық маңызы бар автотрассасында, елдің негізгі магистралдарының бірі болып табылатын жолда, күн сайын 10 мыңнан астам көлік құралын қабылдайтын күрделі жағдай қалыптасты, деп хабарлайды Kazpravda.kz ҚР ІІМ сілтеме жасап.
Хабарланғандай, ауа райының күрт нашарлауына байланысты Қарағанды облысында екі негізгі бағыт бойынша жолдар жабылды: Қарағанды — Астана және Қарағанды — Павлодар.
Теміртау қаласының терминалында жолдардың жабылуынан шамамен 800 автокөлік жиналды.
Полиция жол жағдайын қалыпқа келтіру үшін барлық қажетті шараларды қабылдауда. Жақын арада автоколонна үшін Ақмола облысының шекасына дейін қауіпсіздікті қамтамасыз ете отырып, сүйемелдеу ұйымдастырылады.
«Азаматтарды елді мекендерден тыс сапарларға қажетсіз шықпауға шақырамыз. Жол жағдайы туралы өзекті ақпарат алу үшін 112 қызметінің хабарламаларын бақылауды ұсынамыз», - делінген ІІМ хабарламасында.