Сенат ратифицировал новые изменения в работе ЕБРР.
«1-баптың 12-тармағында ЕБРР-дің құрылуы туралы қолданыстағы Келісімде Банк қабылдай алатын қарапайым міндеттемелердің номиналды құнына шектеу қойылған. Қазіргі уақытта, операциялық активтердің максималды деңгейі меншікті капиталдың жалпы сомасының 92%-на теңестірілген», — деді сенат депутаты Сергей Карплюк палата отырысында.
Сенатор бүгінгі күні капитал жеткіліктілігі деңгейі бойынша шешімді Басқарушылар Кеңесі қабылдайтынын еске салды.
Басқарушылар Кеңесінде 72 ел бар, бұл қаржыландыру мәселелері бойынша келісу мен шешім қабылдау процесін созады. Бұл органның жоғарғы деңгейі, одан кейін Директорлар кеңесі келеді. Директорлар кеңесі 23 мүшеден тұрады, олар елдік топтарды білдіреді. Қазақстан Австрия өкілі басқаратын топқа кіреді — Израиль, Кипр, Мальта, Қазақстан, Босния және Герцеговина.
«Осылайша, қарастырылып отырған түзетулердің қабылдануы Банкке Қазақстанның экономикалық маңызды жобаларына қаржыландыру мәселелерін жедел шешуге мүмкіндік береді», — деп қосты депутат.