Жаңа баждар күшіне енеді: АҚШ Мексика, Қытай және Канададан келген тауарларға салық салады.

«1 ақпан – президент Трамптың бұған дейін жариялаған соңғы мерзімі. Ертең ол Мексика мен Канадаға 25 % мөлшерінде, ал Қытайға 10 % мөлшерінде тариф енгізеді»,деді Ақ үйдің ресми өкілі Каролин Левитт брифингте.

Трамптың айтуынша, бұл шаралар заңсыз миграциямен және синтетикалық есірткі, әсіресе Қытайдан келетін фентанилмен күресуге байланысты.

Сонымен қатар, президент Мексика мен Канададан мұнай жеткізілімдеріне тарифтер салына ма, жоқ па деген соңғы шешім әлі қабылданбағанын атап өтті. Бұл мұнай бағаларының жағдайына және осы елдердің АҚШ-пен болашақтағы өзара әрекеттесуіне байланысты.

Осы шараларға жауап ретінде Канада 105 миллиард долларлық америкалық тауарлар тізімін дайындады, олар жауап ретінде тарифтермен қамтылады. Канада сыртқы істер министрі Мелани Жоли бұл жағдайдың екі елге де экономикалық салдары болуы мүмкін екенін атап өтті.

Мексика экономика министрі Марсело Эбрарда тарифтердің енгізілуі америкалық автомобиль компанияларына, әсіресе АҚШ-та сатылатын пикаптардың 88 %-ын өндіретін General Motors және Ford Motor секілді алыптарға елеулі зиян тигізуі мүмкін екенін ескертті.

Тағы да оқыңыз:

• Трамп Гуантанамо базасында 30 мың мигрант орналастырады
• АҚШ миграциялық ережелерді қатаңдатады: қазақстандықтар үшін маңызды ақпарат