Республикалық бюджеттің қаржылық есептілігінде кемшіліктер анықталды.
«Қажетті өзгерістерді заңға тәуелді актілерге Қаржы министрлігі Жоғары аудиторлық палата тапсырмасы бойынша енгізді. Бұған дейін мемлекеттік аудит бірқатар кемшіліктерді анықтады, олар РБ-ның Қаржылық есептілігінің объективтілігі мен дұрыстығына әсер етті. Сонымен қатар, есептерді қалыптастырудың дәлдігін арттыру үшін қажетті жеке реттеуші нормалар болмады», — делінген ВАП хабарламасында.
Осыған байланысты ВАП Қаржы министрлігіне мемлекеттік мекемелердегі бухгалтерлік есеп жүргізу ережелеріне сәйкес өзгерістер мен толықтырулар енгізуді тапсырды.
Атап айтқанда, енді мыналарды ескеру қажет:
- ұсынылған пайдалы қызмет ету мерзімдерін пайдалана отырып, автожолдардың амортизациясын есептеу;
- халықаралық стандарттарға сәйкес алынған займдарды көрсетуді: алдымен әділ құнымен, кейін амортизацияланған құнымен;
- квазисектор субъектілеріне, үлестік қатысу әдісімен жүзеге асырылған қаржылық инвестицияларды көрсету;
- жеке тұлғалардың мүлкін салық салу үшін Қаржы кодексіндегі есептеу әдістемесімен нөлдік бағамен тіркелген тұрғын үйлердің құнын қайта қарау;
- автожолдар мен олардың орналасқан жерлеріндегі жер учаскелерін қоса алғанда, құрылыстарды бөлек есепке алу талаптарын енгізу.
«Бұл және басқа тармақтар республикалық бюджеттің консолидирленген қаржылық есептілігінің объективтілігін қамтамасыз ету және онда активтердің нақты, өзекті күйінде көрсетілуі үшін қажет. Қаржы министрінің бұйрығымен бұл өзгерістер мемлекеттік мекемелердегі бухгалтерлік есеп жүргізу ережелеріне енгізілді», — деп қосты ВАП.