АФМ қызметкерлері көмірді сату бойынша сыбайлас жемқорлық схемасын анықтады.
Көмірді сауда биржалары арқылы сату, қолданыстағы заңнамаға сәйкес, бәсекелестікті дамытуға және спекулятивті делдалдардың қатысуынсыз әділ бағалардың қалыптасуына ықпал етуі тиіс еді.
«Сол уақытта Modern Trading Solutions тауар биржасының басшылығы, туыстарына және сенімді адамдарға 23 брокерлік компанияны тіркеп, сауда-саттықты ұйымдастырды, нәтижесінде көмір сатып алу бойынша саудаға тек тұрақты түрде ақша сыйақысын төлеген тұлғалар ғана жіберілді. Әйтпесе, кәсіпкерлер аккредитация мерзімдерін созу, мәмілелерді бекітпеу, қолжетімділікті шектеу және нәтижелерді жою арқылы саудаға жіберілмеді. Бұл жылу маусымының алдында көптеген шағымдар мен әлеуметтік шиеленістерге әкеп соқты», — деп хабарлады агенттік.
Топтың жылдық қылмыстық табысы 2 миллиард теңгеден астам соманы құрады, олар бақылаудағы компаниялар арқылы қолма-қол ақшаға айналдырылды.
«Сауда биржасының үш басшысына қамауға алу түріндегі бұлтартпау шарасы қолданылды, ал осындай шарамен бір фигурант іздеуде», — деп түсіндірді АФМ.