2025 жылдың 1 мамырынан бастап QAZAQ AIR әуе компаниясы Астана мен Самарқанд арасында жаңа маршрутты іске қосады, бұл туралы Kazpravda.kz Қазақстан Республикасы Индустрия және инфрақұрылымдық даму министрлігінің мәліметіне сілтеме жасап хабарлайды.
Енді жолаушылар әлемдегі ең көне қалалардың біріне жылдам жетіп қана қоймай, Қазақстанның рухани және тарихи орталығы – Түркістанда да уақыт өткізе алады.
Астана - Самарқанд әуе рейсі аптасына екі рет, бейсенбі және жексенбі күндері орындалады.
Рейстердің кестесі:
Бейсенбі:
IQ369 Астана 16:15 – Самарканд 20:00
IQ510 Самарканд 21:00 – Астана 01:30
Жексенбі:
IQ369 Астана 07:25 – Самарканд 11:00
IQ510 Самарканд 12:00 – Астана 15:30
Сонымен қатар, бейсенбі және жексенбі күндері Түркістан - Самарқанд бағытында рейс қарастырылған.
Бейсенбі күндері:
Түркістан 19:10 – Самарканд 20:00
Самарканд 21:00 – Түркістан 21:50
Жексенбі күндері:
Түркістан 10:10 – Самарканд 11:00
Самарканд 12:00 – Түркістан 13:00
Қазақстандық әуе тасымалдаушы QAZAQ AIR заманауи канадалық De-Havilland Dash 8-Q400 ұшақтарымен рейстерді жүзеге асырады, деп нақтылады Индустрия және инфрақұрылымдық даму министрлігі.
Сонымен қатар, 29 мамырдан бастап қазақстандық SCAT әуе компаниясы Жаңа маршрутты Шымкент – Каир бағытына ашуды жоспарлап отыр.