Қазақстандық блогерлер 1,4 миллиард теңге көлемінде табыс жариялады.

Осы шаралар барысында 12 блогер 1,4 миллиард теңге көлемінде қосымша кірістерін өздігінен декларациялап, 73,6 миллион теңге салық төледі.

«Бүгінгі күнге дейін 854 блогерге 71,9 миллиард теңге көлеміндегі «кірістерді төмендету» бұзушылығы бойынша камералдық бақылау хабарламалары жіберілді», — деп хабарлады ҚР Қаржы министрлігінің Мемлекеттік кірістер комитеті.

Орындау мерзімі 30 жұмыс күні болып табылады.

Сондай-ақ, 71,9 миллиард теңге көлеміндегі айырмашылықтар төленбеген салықтар сомасы емес екенін атап өткен жөн, көрсетілген айырмашылықтар блогерлердің салық декларацияларында көрсетілмеген болжамды кірістер болып табылады.

«Салық сомаларын есептеу және төлеу тиісті ставкалар бойынша ұсынылған декларацияларға негізделеді, олар салық заңнамасында белгіленген. Камералдық бақылаудың мәні салық төлеушіге кірістерін декларациялап, есептелген салықтарды төлеу мүмкіндігін ерікті түрде ұсыну немесе анықталған бұзушылықтарға келіспеген жағдайда түсініктеме беру болып табылады», — деп түсіндірді мемлекеттік орган.