"Қазахмыс" Балқаштың тұрақты экожүйесін сақтау үшін 5 миллион доллар бөлетін болады.

Халықаралық конференцияда Қазақстан Республикасының Экология және табиғи ресурстар министрлігінің қолдауымен "Қазақмыс" Балқаш көлі су ресурстарын басқару: халықаралық ынтымақтастық, зерттеулер және қаржыландыру" тақырыбында диалог сессиясын өткізді.

Сессияға ҚР Экология және табиғи ресурстар министрі Ерлан Нысанбаев, ҚР Су ресурстары және ирригация министрлігінің Су шаруашылығы комитетінің төрағасы Арсен Жакабаев, Орталық Азиядағы климат өзгерісі және тұрақты даму мәселелері бойынша Ernst&Young-ның өңірлік директоры Виктор Коваленко, сондай-ақ АҚШ, Финляндия, Ираннан халықаралық сарапшылар және Азия даму банкі (АБР) секілді ұйымдардың өкілдері қатысты.

Сессияны жүргізген Сәкен Шаяхметов Балқаш көлін сақтау стратегиялық маңызын атап өтті. Оның айтуынша, бұл мәселе ұлттық және халықаралық деңгейде басты назарда болуы тиіс.

"Біз Балқаштың Арал теңізінің қайғылы тағдырын қайталауына жол бермеуіміз керек. Бұл көл миллиондаған адамдардың өмірі, өңір экономикасы және елдің болашағын анықтайтын маңызды жобаларды жүзеге асыру үшін кілттік маңызға ие. Біз осы мақсатқа жету үшін әлемдік қауымдастықпен күш біріктіруге дайынбыз", — деп атап өтті Шаяхметов.

Бұған дейін, мамыр айында Балқаш қаласында өткен Су-климат форумі өңірдің экологиялық мәселелерін шешудің маңызды қадамы болды. Бакудағы COP29 конференциясында бұл мәселе халықаралық деңгейге көтерілді. Келесі кезең нақты бағдарламалар мен жобаларды жүзеге асыру болады, олар жетекші сарапшылардың қатысуымен әзірленеді.

Жарияланған бастамалар аясында "Қазақмыс" Балқаш көлінің экожүйесін зерттеуге арналған ғылыми жобаларды дамыту және өңірдегі су ресурстарын тұрақты басқару тәсілдерін енгізуді жоспарлап отыр. Биоалуантүрлілік пен су сапасын мониторингтеуге ерекше назар аударылуда, бұл экожүйедегі өзгерістерге уақтылы жауап беруді қамтамасыз етеді. Сондай-ақ, жергілікті халықты экологиялық ағарту бағдарламаларын жүзеге асыру және су ресурстарын сақтау саласындағы үздік тәжірибелерді енгізу үшін халықаралық сарапшылар мен серіктестермен ынтымақтастықты дамыту жоспарлануда.

Осы бастамаларды келесі 5-10 жылда жүзеге асыру Балқаш экожүйесінің жағдайын жақсартуға, антропогендік әсерді азайтуға, жергілікті халық пен бизнестің экологиялық жауапкершілігін арттыруға, сондай-ақ Балқаш-Алакөл бассейнінің табиғи ресурстарын тұрақты басқарудың тиімді моделін құруға мүмкіндік береді.

"Қазақмыс" Балқашты сақтау экологиялық апаттардың, мысалы, Арал теңізінің кебуіне немесе Каспий теңізінің қазіргі экологиялық қиындықтарына жол бермеу үшін маңызды екенін атап өтеді. Ұлттық және халықаралық серіктестердің бірлескен күштері көлді болашақ ұрпақ үшін маңызды табиғи және экономикалық ресурс ретінде сақтауға көмектеседі.

Айта кетейік, бұған дейін ҚР Президенті Қасым-Жомарт Тоқаев Бакудағы Дүниежүзілік климат саммитінде сөз сөйлеп, еліміздің мәдениеті, инновациялары және экологиялық жобаларын көрсететін Қазақстанның экспозициясымен танысты.