Жаңа әділет министріне қойылған міндеттер қандай?

Үкімет басшысы Азамат Ескараевқа министр қызметіндегі атқарған жұмысы үшін алғыс білдіріп, кәсіби қызметінде табыс тіледі.

Ерлан Сарсембаевты таныстыру барысында премьер-министр мемлекет басшысының әділет министрлігі ұжымына қойған бірқатар міндеттерін атап өтті. Атап айтқанда, елдің құқықтық жүйесін нығайту, "Заң мен Тәртіп" қағидатын енгізу, - делінген хабарламада.

Олжас Бектенов үкіметтің президент қойған мақсаттарға жету үшін тұрақты және сапалы заңнамалық қолдау қажет екендігін ерекше атап өтті.

Сонымен қатар, премьер-министр парламентпен тығыз өзара әрекеттесуді, азаматтарға көрсетілетін заң қызметтерінің сапасын одан әрі арттыруды, нотариат және адвокатура институттарын жетілдіру қажеттігін айтты.

Бұдан бөлек, Қазақстанның халықаралық аренадағы мүдделерін қорғауға қатысты бірқатар тапсырмалар берілді.

Бүгін мемлекет басшысы Қасым-Жомарт Тоқаев әділет министрі Азамат Несипбаевич Ескараевты қызметінен босатып, оның орнына Қазақстан Республикасының әділет министрі Ерлан Сарсембаевты тағайындады.

Ерлан Сарсембаев тағайындалғанға дейін Конституциялық соттың судьясы қызметін атқарды.