"Бұл біздің жастарымызды бұзады": депутат USAID-тың Қазақстандағы қызметі туралы пікір білдірді.

"Соңғы күндерде USAID - АҚШ халықаралық даму агенттігінің қызметі туралы жаңа әрі шокирлеуші мәліметтерді білудеміз. Ақ үйдің ресми мәлімдемесінде USAID бірнеше онжылдық бойы, дәйексөз келтірсек, "зиянды жобаларды" қаржыландырумен айналысқандығы айтылады.

Илон Маск және тіпті президент Дональд Трамп USAID-ті "жынды радикалдар басқаратын" қылмыстық ұйым деп атады. Ақ үйдің ресми мәлімдемелерінде USAID агенттігінің "абсурд" және "зиянды" жобаларға үлкен көлемде ақша жібергені нақты айтылған, - деді депутат Магеррамов.

Ол USAID Колумбиядағы "трансгендер операсына" 47 000 доллар, Перудағы "трансгендер комиксіне" 32 000 доллар, Египеттегі туризмді қаржыландыруға 6 миллион доллар, Гватемаладағы "жыныс ауыстыру" және "ЛГБТ белсенділігіне" 2 миллион доллар, Сербиядағы жұмыс ұжымдары мен бизнес қауымдастықтарында теңдік пен инклюзивтілікті ілгерілетуге 1,5 миллион доллар, Ауғанстандағы мак өндірісін қолдауға жүздеген миллион доллар бөлгенін қосты. Сондай-ақ, депутаттың айтуынша, ұйым арқылы "Әл-Каида" содырларына жүз мыңдаған азық-түлік порциялары жіберілді.

"Біздің өңірімізге қатысты, 2022-2025 жылдар аралығында USAID Орталық Азияда адам құқықтары мен теңдікті нығайту үшін 2 миллион доллар бөлді. Барлығы дұрыс сияқты, бірақ бағдарламаның орындаушысы - Еуропалық халықаралық лесбиянкалар, гейлер, бисексуалдар, трансгендерлер мен интерсекс адамдар ассоциациясы. Бұл Қазақстандағы АҚШ үкіметінің қолдау бағдарламаларын жүзеге асыратын ұйым", - деді депутат Магеррамов.

Ол USAID-тың Қазақстандағы қандай жобаларға және қандай қаражат бөлгенін анықтау қажеттігін айтты. Оның пікірінше, Алматыдағы әйелдер шеруі мен лесби-парады осы ұйымның қызметінің нәтижесі.

"Бұл бізге жат идеологияны, адам құқықтары деген желеумен, шын мәнінде, жастарымыз бен жас ұрпақты азғындатуға бағытталған қаржыландыру туралы болып отыр.

Сондай-ақ, әділет министрлігі мен үкіметтің жалпы осындай зиянды "демеушілік" жобалардан балаларымызды психоэмоционалдық, менталдық, физикалық қауіпсіздігін қамтамасыз ету мақсатында заң жобасын әзірлеуі қажет деп есептейміз. Қазақстанда бұған нүкте қою керек", - деді депутат.

Еске саламыз, жақында БАҚ-та АҚШ президенті Дональд Трамп USAID агенттігін "жынды радикалдар" басқаруда деп мәлімдегені туралы ақпарат пайда болды. Одан кейін USAID сайты түсініксіз себептермен өшірілді, ал Илон Маскқа тиесілі X әлеуметтік желісінде USAID аккаунты жойылды. Ал Илон Маск X платформасында USAID-ті қылмыстық ұйым деп атаған пост жазды.

Жақында Илон Маск АҚШ халықаралық даму агенттігіне тағы да сын айтты және оларды COVID-19 инфекциясын тудыратын вирус әзірлеуді қаржыландыруда айыптады.

Бұған дейін, қаңтардың соңында, Дональд Трамп АҚШ-тың шетел мемлекеттеріне даму саласындағы жаңа көмекті үш айға тоқтату туралы жарлыққа қол қойған болатын.

Бұрын Трамп президенттігі кезінде АҚШ-тың мәселелеріне назар аударуға және "Америка бәрінен бұрын" ұранымен сыртқы саясат жүргізуге ниетті екенін мәлімдеген болатын.