Үйде дайындалған тұздалған тағамдар денсаулыққа қалай зиян келтіруі мүмкін — нутрициологтың пікірі.

Оның айтуынша, сүйікті консервілерден мүлдем бас тартудың қажеті жоқ, бірақ мөлшерді білу маңызды.

«Ересек адамға күніне тұтынуға болатын тұз мөлшері бес грамм. Маринадтарда натрий, хлор, калий сияқты электролиттер түрінде пайдалы элементтер бар. Сонымен қатар, маринадтарға көкөністерден алынған витаминдер мен минералдар өтеді. Бұл маринадты пайдалы етеді, сондықтан оны кешкі той-думаннан немесе мерекелерден кейін қалпына келтіру үшін жиі пайдаланады. Ол организмдегі судың жалпы мөлшерін қалыпқа келтіруге көмектеседі, тұз бен суды тартып алады», — деді сарапшы.

Бірақ кері жағы да бар. Нутрициологтың айтуынша, тұздың артық мөлшері организмдегі сұйықтықтың көбеюіне әкеледі. Барлық ішкі органдар күшейтілген режимде жұмыс істей бастайды, ал дене ісінеді. Сонымен қатар, натрийдің артық мөлшері шөлдеу, ұйқышылдықты тудырады, ал шектен тыс жағдайда — тіпті эпилепсиялық ұстамаларға әкелуі мүмкін.

Сарапшы тұздың артық мөлшегінің ас қорыту жүйесіне теріс әсер ететінін, әсіресе, егер проблемалар болса, атап өтті.

«Тұздың артық болуының негізгі салдарының бірі — ішкі органдарға, мысалы, бүйрек пен жүрекке жүктемесінің артуы. Бұл қан тамырларының тарылуына және артериалды қысымның көтерілуіне әкеледі. Гипертония немесе дағдарысқа бейім лабильді жүйке жүйесі бар адамдар үшін бұл өте қауіпті болуы мүмкін», — деп қосты нутрициолог.

Егер біреу консервіленген қияр немесе қызанақ сияқты тұзды өнімдерді ұнатса, артық тұзды жою үшін оларды сумен шаю керек. Мұндай өңдеуден кейін дәмі мен пайдалы қасиеттері сақталады, бірақ тұз мөлшері азаяды.

Никитина сондай-ақ тұзды толығымен тастамау керектігін, бірақ мөлшерді сақтау маңызды екенін атап өтті. Сонымен қатар, гипертониясы бар адамдарға дәрігер тағайындаған препараттарды қабылдауды және әсіресе ұйықтар алдында тұтынатын тұз мөлшерін бақылауды еске салды.