Ведомство басшысы Марат Карабаев Әзербайжан ұшағының апатқа ұшырауын зерттеу туралы мәлімдеме жасады.
Үкіметтегі брифинг барысында ол авиакатастрофа бойынша тергеудің аяқталу кезеңі туралы айтып берді. Халықаралық комиссия құрамына Әзербайжан, Ресей, Бразилия және ИКАО-ның сарапшылары кірді.
«Сарапшылар аяқталу кезеңінде. Біз жақын күндері алдын ала есептің жариялануын күтеміз, ол біздің сайтта ресми түрде жарияланады», – деп түсіндірді ол.
Сонымен қатар, ол жақын арада Ақтау маңында Әзербайжан ұшағының апатқа ұшырау себептері жарияланатынын да қосып өтті.
«Сарапшыларға өз жұмыстарын аяқтау үшін уақыт қажет. Бұл өте нәзік, мұқият жұмыс. Комиссия күн сайын жұмыс істейді, біз аяқталу кезеңінде тұрмыз», – деп қорытындылады министр.
Еске сала кетейік, 25 желтоқсанда Баку мен Грозный арасында ұшып шыққан Azerbaijan Airlines компаниясының Embraer ұшағы Ақтау қаласының маңында апатқа ұшырады. Ұшақта 67 адам болды. Оқиға нәтижесінде 38 жолаушы қаза тапты, 29 адам, соның ішінде үш бала, тірі қалды.