Алматыдағы қарды енді зауытта ерітетін болады.

«Қазақстанда алғаш рет ағынды сулардың жылуын пайдаланып, қарды еріту үшін инновациялық технология енгізілуде. Ертілген су құм мен қоқыстан тазартылып, фильтрация арқылы өтеді, содан кейін қалалық кәріз жүйесіне жіберіледі», — деп түсіндіреді зауыттың жұмыс принципін әкімдік.

Комуналдық қызметкерлер жаңа зауытты 8 қаңтардағы мол жауын-шашыннан кейін сынап көрді. Екі күн ішінде мегаполистің көшелерінен 15,2 мың текше метр қар шығарылды.