«НК «Kazakh Tourism» пресс-қызметі хабарлағандай, Ұлыбританияның азаматы Элли Даннингтон 116 мемлекетте болып, барлығы 1 570 сағат ұшқан. Ол әлемдегі әйел-спортшылар арасында әуе шарымен ұшу бойынша әлемдік рекорд орнатуды жоспарлап отырған жалғыз адам. Элли 16 адамды сыйдыра алатын ірі жолаушы аппараттарынан бастап, кішкентай хопперлерге дейін әртүрлі әуе шарларын басқаруды меңгерген.»
– Қазақстан менің жолымдағы 116-шы мемлекет, және бұл ең қызықты аялдамалардың бірі! – деді Элли Даннингтон сәтті қонғаннан кейін. – Мұнда қармен жабылған таулар, жайылған жылқылар мен түйелердің керемет көрінісі бар! Бұл ұшу менің әлемді айналып шығу сапарымды бастаған күйеуіме арналған. Мен 120 мемлекетте ұшып, рекорд орнатуға толық дайынмын. Алматыда біз ерекше жылулық пен қолдауды сезіндік, соған өте ризамыз!»
Эллидің серігі бразилиялық Лаис Люммертз 10 жасынан бері әуе шарымен ұшуды үйренген. Ол жылу аэростатын басқаруды бастап, кейін ұшқыш лицензиясын алған. Оның тәжірибесінде Қазақстан – Лаистың аспанға көтерілген 12-ші мемлекеті.»
– Мен ұшудан керемет әсер алдым! Көрініс таңғажайып, Алматының аспаны жай ғана ертегідей! – деп таңданысын білдірді спортшы. – Мені экстремалды пилот деп атайды, себебі мен қауіпті ұшуларды жақсы көремін, бірақ бүгін бәрі тыныш және қауіпсіз өтті. Біз өте қызықты тәжірибе алдық.»
Сөз арасында «НК «Kazakh Tourism» акционерлік қоғамының төрағасы Қайрат Садвакасов кәсіби аэронавттардың ұшуы шетелдік туристер мен экстремалды спортты сүйетіндердің елімізге деген қызығушылығының артып жатқанын көрсететінін атап өтті. Бұл Қазақстанның туристік көрікті жерлеріне әлемдік қауымдастықтың назарын аударуға мүмкіндік. Алматы облысының ерекше ландшафты мен табиғи сұлулығы әуе шарлары фестивалін өткізу үшін тамаша орын.»
Айтпақшы, Орталық Азия спортшылардың әлемдік рекордқа жетудегі соңғы кезеңі болды. Алдағы күндері олар біздің көршілеріміз – Қырғызстан, Тәжікстан және Өзбекстанды аралауды жоспарлап отыр.»