Торжестволық шараға премьер-министрдің орынбасары Қанат Бозумбаев және су ресурстары мен ирригация министрі Нұржан Нұржігітов қатысты.
«Құрметті әріптестер, Сіздерді Республика күнімен шын жүректен құттықтаймын. Бұл - біздің еліміздің тарихи таңдауын анықтаған Тәуелсіздік Декларациясы қабылданған күн. Мемлекет басшысы Қасым-Жомарт Тоқаев еңбек адамдарының статусын көтерудің қажеттілігі мен маңыздылығы туралы жиі айтады. Сондықтан Президент 2025 жылды Еңбек мамандықтары жылы деп жариялады. Қазақстанның су шаруашылығында 10 мыңнан астам адам жұмыс істейді. Сіздер елдің су қауіпсіздігін қамтамасыз ету жолында қажырлы еңбек етесіздер. Баршаңызға денсаулық, күш-қуат және табыс тілеймін!», - деді су ресурстары мен ирригация министрі.
Мерекеге орай мемлекеттік наградаларға 34 су саласының маманы ие болды. Атап айтқанда, 8 адам «Құрмет» орденімен, 2 адам «Еңбек даңқы» III дәрежелі орденімен, 13 маман «Ерен еңбегі үшін» медалімен марапатталды. Сонымен қатар, «Су шаруашылығының ардагері» және «Су шаруашылығының үздігі» төсбелгілері, сондай-ақ су ресурстары мен ирригация министрлігінің құрмет грамоталары мен алғыс хаттары табысталды.
Су династияларының өкілдері де наградаларға ие болды. «Казводхоз» кәсіпорнында су шаруашылығы министрлігіне 67 су мамандары династиясы жұмыс істейді.