Қазақстанның су қоймаларында өткен жылы рекордтық көлемде су жиналды.

«С жылдың басынан Балқаш көліне 15,4 миллиард текше метр су келді, бұл өткен жылмен салыстырғанда 4 миллиард текше метрге көп. Оның ішінде тасқын кезінде 3,3 миллиард текше метр су құйылды. Каспий теңізіне жылдың басынан 17 миллиард текше метр су жіберілді. 10 жылдан бері алғаш рет Алматы облысындағы Қапшағай су қоймасы 100%-ға толды, 18 миллиард текше метрден астам су жинады», — деп хабарлады Су ресурстары және ирригация министрлігі.

Тасқын кезінде 80 миллион текше метр су Батыс Қазақстан облысындағы Қамыш-Самар көлдеріне бағытталды. Ұлытау облысынан Қызылорда облысына 839 миллион текше метр су жіберілді. Осылайша, тарихта алғаш рет бұл су Сарысу өзені арқылы Қызылорда облысының көлдік жүйелеріне жетті.

«Солтүстік Арал теңізіне биыл шамамен 2,5 миллиард текше метр су жіберілді, бұл 2023 жылмен салыстырғанда 400 миллион текше метрден астам. Сонымен қатар, су үнемдеу технологияларының қолданылуы Қызылорда облысының аграршыларына 200 миллион текше метр суды үнемдеуге мүмкіндік берді, бұл да Солтүстік Аралға жіберілді», — деп атап өтті ведомство.

Жылдың басынан бастап Қызылорда облысының көлдік жүйелеріне барлығы 4,7 миллиард текше метрден астам су жіберілді. Салыстыру үшін, өткен жылы бұл көрсеткіш шамамен 4,3 миллион текше метрді құрады.