Qazaq Air сатып алу бойынша инвестормен келіссөздер аяқталды.

«Бүгінгі күні Qazaq Air акциясын сату мәмілесінің шарттарын анықтау бойынша келіссөздер Sovico инвесторымен аяқталды. Биылғы жылдың 20 желтоқсанында шарттар бекітілді. Жылдың соңына дейін «Самрук-Казына» холдингінің және үкіметтің мәміле жөніндегі оң шешімін күтеміз», — деп хабарлады Елжан Отыншиев.

Ол вьетнамдық инвестор Sovico-ға қойылатын бірнеше талаптарды еске салды, олардың арасында 38,4 миллиард теңге көлеміндегі несиенің төлемдерін қамтамасыз ету, сондай-ақ бес жыл ішінде 20 Boeing немесе Airbus әуе кемесін сатып алу міндеттемесі бар.

«Бұл талаптарды қамтамасыз ету үшін инвестор кепілдік беруге дайын. Бұл талаптардың елдің азаматтық авиациясының дамуына және логистика, туризм, сауда, қосымша рейстерді іске қосу сияқты салаларға оң әсер ететініне сенеміз», — деп атап өтті стратегия және активтерді басқару жөніндегі басқарушы директор.