Жетісу облысының тұрғындарын алаяқтар 100 миллион теңгеге алдап кетті.

«4 адамнан тұратын топ, шетел азаматтарымен бірге, өңірдің жүзден астам тұрғынын алдап, оларға 100 миллион теңгеден астам шығын келтірді. Олар өздерінің қылмыстық ниеттеріне жету үшін әртүрлі алдау схемаларын және заманауи технологияларды — қашықтан қол жеткізу үшін қосымшаларды (AnyDesk, Kenguru, Teamviewer) және т. б. пайдаланды. Топта өздерінің «Ақша айналым орталығы» бар, онда дроперлерді пайдалана отырып, қаржыны криптовалютаға айналдырды», — деп түсіндірді прокуратурада.

Олардың тұратын жерінде жүргізілген тінту кезінде 35 ұялы телефон, 3 жүйелік блок, 3 ноутбук, 2 пневматикалық тапанша және қымбат нөмірлі 3 люкс автокөлік тәркіленді.

Қазіргі уақытта топтың 4 мүшесіне қатысты алдын ала тергеу жүргізілуде, олар қамауда отыр. Жасалған қылмыс үшін күдіктілерге жеті жылға дейін бас бостандығынан айыру және мүлікті тәркілеу жазасы қаупі төніп отыр.