Қыркүйек айында 160 мыңнан астам көлік тіркелді.

«Биыл қыркүйек айында 163,9 мың автокөлік тіркелді, өткен жылдың сәйкес кезеңімен салыстырғанда көрсеткіш 3,2%-ға төмендеді. 1 қазанға дейін Қазақстанда тіркелген автокөліктер саны 56,1 мыңды құрады, олардың 88%-ы жеңіл автокөліктер, 9,9%-ы жүк көліктері және 2,1%-ы автобустар», — деп хабарлады ведомство.

Пайдаланылатын отын түрі бойынша 81,9% көлік бензинмен жүреді, аралас отынмен жүретін көліктердің үлесі — 7,4%, дизель отынымен — 7,1%.

Газбен жүретін автокөліктер саны өткен жылдың сәйкес кезеңімен салыстырғанда 3 213 бірлікке артты, жалпы көліктер санының ішінде газбен жүретін автокөліктердің үлесі 0,3% құрады.

Тағы 11 706 автокөлік электр қуатымен жүріп, жалпы автокөліктер санының 0,2% құрайды, өткен жылдың сәйкес кезеңімен салыстырғанда электр көліктерінің саны 1,8 есеге артты.